Aas Hui Phirse

30-Jan-2025

Regrets.

Jis raaste ko main khud chroke aa chuka hoon

Kya phirse us raaste pe chal sakta hoon

Jis dil ko main khud torke aa chuka hoon

Kya phirse usi dil se jur sakta hoon

Jis darwaze ko main khud hi band kar aaya hoon

Kya ek baar phir woh darwaza khol sakta hoon

Jis taaluq ko main khud hi rad kar chuka hoon

Kya phirse woh taaluq zinda kar sakta hoon

Jis chehre se main apni aankhien pher chuka hoon

Kya woh chehra phirse main dekh sakta hoon

Jis waade ko main nahi nibha paya hoon

Kya ek baar phir woh waada kar sakta hoon

Jin aakhon ko main khud rulake aaya hoon

Kya unhi aankhon se phir nazar mila sakta hoon

Jis lamhe mein woh galat faisla kar aaya hoon

Kya phirse woh lamha main jee sakta hoon

Kyun chah raha hoon yeh silsila shuru ho phir se

Hai yeh mera gham, akelepan ki had ya pachtawa dil se